- 396 -

1403. Febr. 16. Liegnitz.

Herzog Ruprecht giebt den Gebrüdern von Brauchitsch ein Vidimus des ihren Vorfahren von Herzog Boleslaus im Jahr 1259 ausgestellten Briefes über ihr Gut Crustenik.

In nomine domini amen. Nos Rupertus dei gracia Silesie dux ac dominus Legnicen. Goltbergen. Nympzen. tenore presencium presentibus et futuris, presentes inspecturis, publice recognoscimus universis, quod ad nostram produxerunt presentiam, fideles nostri dilecti, Nicolaus, Petrus, Bartko et Thammo, fratres, dicti Brauchicz, literam, sigillo majori illustris principis ac domini, domini Bolislai ducis Silesie p. m. proavi nostri charissimi sigillatam et presentibus de verbo ad verbum intersertam. (Siehe No. 8.)
Supplicantes nobis studiose cum affectibus, quatenus intuitu seruitiorum suorum, nobis saepius exhibitorum, ipsis, eorum haeredibus et legitimis successoribus dignaremur praedictam literam confirmare, nos vero considerantes grata ipsorum seruitia, nobis saepe saepius exhibita et in posterum fidelius exhibenda, de nostra liberalitate, munificenter nostro, ac illustris principis ac domini, domini Wenceslai fratris nostri karissimi in Legnicz nobiscum cohaeredis nominibus, praedictis Nicolao, Petro, Bartkoni et Thammoni fratribus, dictis Brauchicz, eorum haeredibus et legitimis successoribus bona, haereditates et syluam in Crustenik nostri Legnicensis districtus, qua in Teutonico Brauchiczdorf appellatur, cum suis articulis et libertatibus, superius expressatis, contulimus et conferimus, solidamus, ratificamus, perpetue habendi, possidendi, vendendi, commutandi, et in vsus eorum vtiles conuertendi et presentis scripti patrocinio confirmamus. In cujus rei memoriam pleniorem presentes nostri sigilli majoris signeti subappresso ac appensione jussimus roborari. Actum et datum in Legnicz anno domini millesimo quadringentesimo tertio, sexta feria post festum sancti Valentini. Praesentibus fidelibus nostris Nicolao Grunhoupt de Czedlicz, Joanne Ryme militibus, Joanne Gabin, Burgold Schlevicz, Joanne de Czedlicz, Wilrico Guske et Joanne Alzenaw, nostro notario praesencium commissario.

Vidimus des Herzogs Georg Rudolph vom 9. März 1615. O. d. St. L. No. 204.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866